ឃុំទ្រាស ស្រុកស្វាយចេក ខេត្តបន្ទាយមានជ័យ នៅថ្ងៃទី២៣ ខែមេសា ឆ្នាំ២០២៣ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ លោក លឿង សុភក្តិ អភិបាល នៃគណៈភិបាលស្រុក និងសហការី បានអញ្ជើញចូលរួមពិធីបើក និងបិទការប្រកួតកីឡាល់ទាត់ (U១៦) នៅវិទ្យាល័យស្វាយចេក ស្ថិតក្នុងស្រុកស្វាយចេក ខេត្តបន្ទាយមានជ័យ។ បានបន្តដឹកនាំកម្លាំងចម្រុះចុះជួយជួសជុលផ្ទះ និងឧបត្ថម្ភស័ង្កសី ចំនួន២៨០សន្លឹក សារ៉ុង និងថិវកាមួយចំនួន ជូនបងប្អូនប្រជាពលរដ្ឋដែលបានរងគ្រោះដោយខ្យល់កន្ត្រាក់ កាល ពីថ្ងៃទី២១ ខែមេសា ឆ្នាំ២០២៣ ក្នុងនោះមានភូមិចែង ចំនួន០២ខ្នងផ្ទះ និងភូមិប្រីយ៍ ចំនួន០៨ខ្នងផ្ទះ។ នៅវេលាម៉ោង១២:៣០នាទី ថ្ងៃ ខែ ឆ្នាំដដែល ឯកឧត្តម និងសហការី បានចូលរួមរំលែកទុក្ខជាមួយគ្រួសារសព លោក លី ធាន (អតីតមេបក្សភូមិទ័ពសៀម) ដែលបានទទួលមរណភាពដោយរោគាពាធ អាយុ៦៧ឆ្នាំ កាលពីថ្ងៃទី២២ ខែមេសា ឆ្នំា២០២៣។ សពត្រូវបានរៀបចំធ្វើបុណ្យតាមប្រពៃណីព្រះពុទ្ធសាសនា និងសូមបួងសួងដួងវិញ្ញាណក្ខន្ធលោក លី ធាន បានទៅកាន់ស្ថានសុខគតិភព កុំបីឃ្លៀងឃ្លាតឡើយ។ នាឱកាសនោះ ឯកឧត្តម និងសហការី បាននាំយកគ្រឿងឧបភោគបរិភោករួមមាន ៖ អង្ករ ០១ការ៉ុង, មី ០១កេស, ត្រីខ ០១កេស, ទឹកត្រី ០១យួរ,ទឹកស៊ីអ៊ីវ ០១យួរ និងថវិកាមួយចំនួន ព្រមទាំងបានចែកជូនសារុងម្នាក់មួយ ដល់តាជី យាយជី ចំនួន៣០នាក់ផងដែរ។
